فى الثانيه
حلم ومدى
وخلا
وشوية نجوم
مكنتش تعرف من القمر غير حزن مدارى
او يمكن صوره لحبيب مجهول
بتخاف
والرضا ستار مسدول على الحزن اللى اتولد معاها فى الخفا
وبيكبر مع كل انثى بتفارق البيت الكبير
عشقت حيطان وفى المنتهى فراق
متقلش قدر
ولا الفرس والفارس تاهوا فى الطريق
وسطح البيت الصغير مكتوبلوا يبقى فى التراب مدفون
فى كل مره حب بتقول ملاكى لبس الجسد وحوى القلب وسَكٌٌِنى محتواه
اتارينى لسه بحلم
والحلم مبتدى المدى ومنتهاه
14 comments:
حلم ومدى
وخلا
وشوية نجوم
مكنتش تعرف من القمر غير حزن مدارى
او يمكن صوره لحبيب مجهول
بتخاف
والرضا ستار مسدول على الحزن اللى اتولد معاها فى الخفا
وبيكبر مع كل انثى بتفارق البيت الكبير
عشقت حيطان وفى المنتهى لقاء
ايه الجمال ده كله
ان شاء الحلم يصبح حقيقة
فين اللقاء ده ياعم احمد
انا قلت وداع
بس على العموم يارب يكون لقاء
فالك حلو بقه
وبعدين انا كل مره بستنى تعليقك
بس عارف انت كمان زوقك حلو اوى وبيعجبنى
وربنا يخليك
وماله الحلم حلو برده \
واكيد حيوصل لحاجه ان شاء الله
مكنتش تعرف من القمر غير حزن مدارى
او يمكن صوره لحبيب مجهول
.............
كلمات جميلة..
دائما مدونتك تتميز بالرقة
بالتوفيق دائما
تحياتي
وبيكبر مع كل انثى بتفارق البيت الكبير
وبيكبر مع كل بنت رتفارق البيت الكبير
عشقت حيطان وفى المنتهى فراق
بلغتنا فيتال ميستاك
التركيبه مش حلوة
والوزن مدمر
متقلش قدر
انتى اكيد نسيتى علامه الاستفهام
والسؤال اكيد للتشكيك
والتشكيك مش فى محله
معلش
البرواز حلو اوى بس للاسف
الصورة اللى جواه مهزوزة اوى
ازيك يا بياتريس ...لسه ما تولعتيش انتى ..عشان كده حرارة الاحساس عاوزة وقت ..ربنا يبعت
خليكى فى مدى الحلم
احسن
و
ح
ش
ت
ي
ن
ى
المرة دى برافو عليكى (فكرتينى بأغنية بتقول : ..... ولا عدش فى لا قصور ولا جنة ولا بستان ولا فارس الفرسان جاى لك يعديكى..) بس ركزى كمان لسه شوية .. تحياتى
الله يا مى حلوة جدا واحساسها اقوى واجمل من اللى شفتها الاول اصلا دى وحدة غيرها
هما كلمتين وبس
احساس على وبوست روعاة
a very good post but your name is even better i like it a lot Beatrice
اخباااااااااااارك ايه
ده كله تدريب يابنتي
ربنا معاكي ويوفقك يارب
سلام
توهه
الحلم اكيد هيوصل لحاجه
لكن التخلى عن الحلم واعتباره شئ مستحيل لدرجة اننا نحوره على طريقتنا عشان نتكيف مع الواقع مش ممكن يوصل لحاجه غير الفراغ الداخلى
نقطة ميه
دايما كده بتحمرى خدودى
فترينارى
ومين قالك اصلا انه شعر
او حتى عمل ادبى
دى مجرد خمس حاجات عندى وانا برتجلهم مش بقعد ارسمهم
بس لو كان رأيك ان الصوره مهزوزه واللى المنفروض انا وانت اكيد متقصدش كده
فان شاء الله احاول اثبتها شويه
ومنور لاول مره بتزور مدونتى المتواضعه
الفيلسوف
دعواتك ياباشا
بكره اجرب لسه فى العمر بقيه
عين ضيقه
هوم انا عمرى خرجت عن المدى
ده اسمه رضا يااسماء ياحبيبتى
وحشتونى كلكوا مووووووووووووووووووووت
واشوفكوا قريب على خير ان شاء الله
حسان
ياسيدى ابشر
ربنا يبعت كده وابقى مركزه ميه الميه
ماريا مجدولين
دى فعلا واحده غيرها
عارفه لازم الخيال يتمكن مننا شويه عشان نبقى كتاب برضه ولا ايه؟.
طارق مكى
عارف اجمل واروع حاجه فى البلوج بتاعى ايه؟
انك تلاقى ناس متبعينك ودايما بيسألوا عليك
انا مبسوطه بتعليقاتك ووجودك الدائم عندى فى البلوج
هو كيرس
شكرا على تعليقك
بس نفسى اوضح حاجه بياترتس دى مسرحيه تراجيديه غير بياتريس خالص سواء اكانت الملكه او المذيعه الفرنسيه
لاونيموس
الحمدلله انا تمام
ولسه شويه على التدريب
نعمل ايه بس
الشغل يحب التدريب
لو سمحت هي دي اغنية مين او اسمها ايه؟ بدور عليها من سنين
Post a Comment