Wednesday, December 8, 2010

طعم الراحه

فى اواخر ايام حملى سخرت جدتى بما يكفى من شعورى بالام الوضع.اخبرنى الطبيب أنه يمكننى ان الد طبيعي, فكنت اتخيل الام الوضع كما اقرأ عنها والامر فى الحقيقه يختلف عن كلمات الكتب المخففه.حتى جاء فجر يوم الخميس بعد نهاية الشهر التاسع باسبوع فقط وفاجأنى وجع فى الظهر يشبه دقات المطرقه ليفرغ صوته فى قدمى حتى كدت افقد الشعور بهما .حينها فقط اهتمت جدتى لحالى وطلبت منى ان اذهب الان للطبيب فابتسمت بخوف يعتصر قلبىوادركت ان ذلك الشئ الذى ارهقنى جسمانيا وروحيا واصابنى لاشهر عديده باكتئاب وبكاء وكوابيس لاتنتهى سيفارق جسدى وان لمسة بنى بداخلى التى هونت على فراق ابيه ووحدتى وكانت تعطينى املا ان رؤيته له ستفتك بجدار والديه وتأتى به الى حاملا ورده او ربما نصف ورده فاحبه اكثر,ويزداد الدق واسقط وازداد امل واتشهد فربما تقتلنى طلقه فألتقى والدتى وانعم بما لم ينعم به ذلك الكائن معى .لم اتخيل يوما من سيشبه اكثر ولم اهتم يوما لرؤية ضحكته ولم انتظر منه ان يأخذنى اليه ,بل كنت اتجاهله كثيرا حتى يجن والدى ويذكرنى بأنى سأصير ام فكفانى تشددا فى حركاتى وكفانى عصبيه واراعى عدم تقلبى الدائم اثناء النوم وان اتروى فى حديثى .فكنت ازداد حدة , فيخبرنى الطبيب انى سألد فى الثانيه ظهرا وانه سيضطر للقطع لان حجمه لايتناسب وجسدى النحيل وانه على التحمل اكثر ويزداد الدق واتهاوى كما تتهاوى الذبيحة ,فأتذكر عدم مبالاة زوجى بى وبحملى ورغبته فى زوجه مثاليه لحياة مثاليه فارهقتنى المثاليه حتى فقدتها وفقدنى . ثم تقترب النهايه فابكى ويعلو تشهدى لملاقاة الموت فيسألنىالطبيب اين زوجى؟ فافقد التنفس فينشط الطبيب تنفسى وتبكى مساعدة الطبيب فيصرخ فيها الطبيب لتدفع ذلك الشئ المتمسك بى كما تتمسك الشجره العجوز
بالارض ويدق الطبيب بقبضة يديه على قمة رحمى فيخرح كائن ابيض يبكى كالقطه وابتسم الطبيب وطلب منى رؤية طفلى ولكنى لم اهتم لرؤيته بل اجبرتنى الراحه على الصمت وغمض عينى لبرهه حتى فقدت كل المشاعر الحيويه ثم عدت للحياة فشعرت برغبه شديده للحنان لمن يمسك يدى ويخبرنى كم هو يحبنى فتمسكت بيدى ابى حتى كدت اعتصرهما وطلبت اليه ان يخبرنى كم يحبنى وان يقرأ علي بعض القرأن
وحينها اخبرنى الجميع انى فقدت الادراك

Friday, March 5, 2010

هل انا انا

الدكتور:لازم تعملى عملية كحت عشان الرحم يبقى جاهز للحمل الجديد
بابا:انا قلتلك لازم تتابعى مع دكتور من اول الجواز
مامة احمد:مى بتتدلع يااحمد متقلقش نفسك ده وجع تجمع الدم
احمد:متروحيش لدكتور .روحى لدكتوره
مديرى:اخبار صحتك ايه يامى
انا:ليه يادكتور بتسألنى السؤال ده من اول ما اتجوزت
مروه:الدكتور اللى انا شغاله معاه هيجيب ميزان ب20 الف جنيه بتمن فرشة صيدليتك دى
بابا: انا مكنتش هقولك انى فى بركة السبع عشان محودش عليكى
انا:طيب عن اذنك .عشان معطلكش
بابا:طيب انا هجيلك الصيدليه النهارده
احمد:انا مش هقدر اجى الاسبوع ده .عندى شغل
انا: فين؟
احمد:هتوحشينى
انا:اكيد مش هتقدر تتخيل انا بحس بايه لما بتقعد وسط ولدك وولدتك ويقعدوا يدلعوا فيك وانا حتى مبشوفش اهلى ولا عمرى هقدر اقعد فى وسط ماما وبابا تانى
احمد: انا اول ما اتجوزتك وانا مش عارف اذاكر
بابا احمد: احمد معودنا يطلع الاول سيبيه يذاكر يامى وياريت محدش يعرف عن شغله حاجه
انا : انا اصلا معرفش حاجه عن شغل احمد. ومبقلوش يجى معايا الصيدليه
مروه:ازاى بتستحملى انك متعرفيش حاجه عن شغل جوزك
انا: هو بيحب شغله وشغله كده .هحرمه من حاجه بيحبها ليه
احمد: مى انا طلعت التانى بفرق درجه .تخيلى بقه لو كنت حضرت امتحان اللغه كان زمانى الاول بفرق كبير
انا : ومحضرتش الامتحان ليه؟
احمد :زميلى بلغونى انه اتأجل
انا : طيب يعنى مفشلتش ولا حاجه
مديرى: الوضع فى الشركه مش كويس انا قدمت استقلتى وعلى فكره هيخصمولك الكار الونس
مديرى الجديد:تارجتكوا زاد 30 فى الميه عن السنه اللى فاتت . اصرفوا وهاتوه
د. ممدوح:انا كنت لسه مأجر صيدليه وخسرت فيها. تفتكرى مية جنيه فى اليوم كفايه
انا: متهيقلى انا ان حياتى المهنيه بدأ ت تفشل
الدكتور:ها ايه الاخبار
انا: فيه حمل
الدكتور: عملتى تحيل التوكسو بلازموسيس؟0داء القطط0
انا : ليه؟
الدكتور: عادى
بعد التحليل
ايوه عندى انتيجين
الدكتور: تاخدى روفاميسين لمدة شهر ونشوف
انا: والجنين؟
الدكتور : متقلقيش بس انتظمى فى العلاج
احمد: انا عارف انى متجوز قطه :)
انا : ايه ده ده الفيس بوك بتاعى يااحمد . استنى ممكن ترجع لصور الفرح دى
احمد: انتى احلى من العروسه
انا:اشمعنى(ده كان اجمل كومنت سمعته
احمد: انا عارف انتى جميله اد ايه
فى سرى .ياترى كان ده هيبقى نفس التعليق اللى كنت هتقوله لو كنت تعرف ان صاحب الصور دى حبيته فى يوم من الايام