فى الأوله
مكنش من حقها تلمس التراب وتبلله بالريق زى اى طفل بيدوق كل شئ عشان يدركه
كانت حلم جاى بعد انتظار طويل
دلوعه
مكنتش تحب الشيكولاته
بتخاف من لون الطين اصله كان دايما بيفكرها بتوأمها اللى ادفن قبل ما تتولد بأربع شهور
وبرغم صوت العصافير اللى اتعودت تصحى عليه
وبرغم ريحة الندى فى الصبح
وبرغم لون الزرع الاخضر اللى محاوط البيت
مكنتش فلاحه
12 comments:
عينى يا عينى
ماشي ياستى كنت في التعليق اللى فات كاتبه انى سامعه صوت عصافير دلوقتى أنا حسه بالندى
مش عارفة
مش هتزعلى لو قلتلك ان دى أكتر حاجة منك أثرت فيا؟
حلو العرض
كمان الخمس حاجات يستاهلو تكتبى عنهم كتير
وحشتينى
دلوقت بس فهمت يعني ايه
البنت روح شويه فى السما وشويه عالارض
بوركت
فى الأوله
مكنش من حقها تلمس التراب وتبلله بالريق زى اى طفل بيدوق كل شئ عشان يدركه
الله عليكى يابياترتس
الشغل جميل جدا
الاحساس عالى
حاجه كده بتخليكى تشغلى عقلك
الى الامام دائما
هو في ايه ياجدعان
هي كلمة فلاح او فلاحه دي شتومه وانا معرفش
أجري اغير اسم البلوج بقي
عموما بغض النظر عن الجملة الأخيرة البوست جميل جدابالذات المقطع الاول
ههههههههههه
تصوري كنت متأكده ان هوميروس هايعلق على كلمة فلاحة دي
المهم
الشغل جامد جدااا فعلا
كده بقى ، بدأنا نكتب بجد
كده فعلا يا بياترتس بتقولي بالظبط الحاجة من غير زيادة كلام أو استطراد مالوش لزمة أو تعقيد أو تحميل العمل حاجات مش تبعه
الأول كنتي ساعات بتعملي ده
العمل مترابط بشكل جميل مع بعضه ، و قادر يسيب أثر كلي
شوقتيني للباقي
"أكتب إذا أردت لأنك تحب أن تكتب وليس لأنه يجب عليك أن تكتب "
اولا أنا مش قادر أربط بين العنوان والكلام نفسه وبغض النظر عن ده حاسس انى مش عارف اربط بين الكلام وبعضه ... "..اصله كان دايما بيفكرها بتوأمها اللى ادفن قبل ما تتولد بأربع شهور؟؟" .. والحقيقة انا مستغرب ان فى حد بيقول ان دى اكتر حاجة اثرت فيه !!.. وان الخمس حاجات يستهلوا تكتبى عنهم والصراحة انا مش عارف هم فين الخمس حاجات دول أصلاً؟ وتانى بيقول الله عليكى وثالث بيقول ..أه اهو كده بدأنا نكتب .. أنا آسف ماقصدش أبداً أكون سخيف .. بس أنا بحب أعلق بصراحة وبدون نفاق .. وانا عارف ان انت عندك مرادفات وصور جمالية اد ايه حلوه بس انت مش عارفه تستخدمى ده كويس جداً ... تحياتى
الله يخرب بيتك يا بياتريس
حسيت انى أمام ديانا ؟
غاده
طيب ياستى اصحى الساعه خمسه ونص الفجر وافتحى الشباك هتشمى ريحة الندى
بدل ما تحسيها بس
عين ضيقه
يابنتى ده انا احمد ربنا وبوس ايدى وش وضهر لما اكتب حاجه وحد يحسها وتعجبه كده
ويارب تعجبك الخمس حاجات كلهم زى الاولانيه
عنتر بن غلبان
منور ياباشا
بس ممكن تفهمنى انت فهمت ايه عشان ابقى معاك فى الصوره
ههههههههه
كرانيش
ايه النور ده اخيرا فهمتيلى حاجه
معايا انتى كمان ياعين برضه
صح
هيمو باشا
انا كنت مستنيه كلمه تانيه
على العموم ربنا يخليلنا الماسنجر عرفت اخد حقى برضه وتقولى الكلمه
يافلاح
هههههههههه
شغف
ربنا ميحرمناش من تعليقاتك
ياست شواف
ههههههه
حسان
كالعاده رديت عندك ياباشا
يووووووووووه
اقصد ياصعيدى
الفيلسوف
ديانا مين دى
ده انا بياترتس والاجر عالله
ههههههههههههه
hassan
هوه يمكن المسالة انك فاقد الارتباط الحاصل اللي متكون عند معظمنا و بالتالي مافيش حاجة لشرحه غالبا
ده أصلا تاج
سؤال أو مجموعة من الأسئلة بيدور بين المداونين
و كل واحد بيجاوب عليه بطريقته
التاج ده
هوه
خمس أشياء لا يعرفهم أحد عنك
و دي أول حاجة بياترتس بتقولها عن نفسها
بداياتها الأولى كطفلة
لو قريت البوست تاني أعتقد انك هاتتواصل معاه أكتر
بتخاف من لون الطين اصله كان دايما بيفكرها بتوأمها اللى ادفن قبل ما تتولد بأربع شهور
--------
خواطر جميلة
ومعبرة
تحياتي
ملعوبة
Post a Comment