هأبقى ملكه

طبعا بشكر شغف وسلامه وغاده الكاميلياعلى التاج وطبعا لازم ألبسه مش هبقى ملكه بقه

عايزين يعرفوا عنى خمس حاجات ميعرفوهاش؟

أولا:فى تانيه ابتدائى اتعرفت على رشا صاحبتى وقربنا من بعض جدا جدا

واتعلقت بيها وكنا معروفين فى المدرسه كلها كأشهر صديقتين لحد رابعه ابتدائى. وفى خمسه ابتدائى اتغيرت رشا كتير لأنها اتعرفت على بنت اسمها سمر واتصاحبوا وكان جسمى صغير جدا وقتها وفى يوم رشا اتخنقت معايا من غير سبب وطلبت من واحده زملتها اسمها ابتسام كانت تخينه أوى انها تضربنى وانا خارجه من الحصه السادسه خرجت ابتسام ورايا وضربتنى على ضهرى جامد وجريت تستخبى فى الفصل ووقتها انا كنت هأقع بس مسكت نفسى وقررت انى أرضلها الضربه بأى شكل واستنتها تحت بره المدرسه فى نفس اليوم وكان معايا ابره وخيط بشغل فيهم عشان احس انى بعمل حاجه اطلع فيها غيظى لحد ماشفت ابتسام

وأول ما شفتها رميت الخيط والابره وطلعت اضربها لحد ما البنت كانت هتموت فى ايدى ومحدش خلصها منى غير المديره لأنى كنت بأحترمهاواعترفت ابتسام ان رشا هى اللى سلطتها وطلبت مننا المديره نقرا فتحه على اننا منتخنقش تانى ابدا ومن ساعتها مهما رشا تعمل مكلمهاش واتجنبها خالص وفى نفس السنه أنا طلعت الطالبه المثاليه عالمدرسه

ودلوقتى انا وابتسام زمايل ورشا تقريبا مبكلمهاش

ثانيا:فى الاعدادى مكنش ليا صحاب .فقررت انى يكون ليه صديقه واحده وده كان صعب لأنى معرفش من البنات غير رقيه اللى كانت مصاحبه بنت واحد مليونير وكان عليهم اشاعات كتير فتجنبت رقيه وكنت كل يوم اقضيه مع بنت واكتر واحده قعدت اتكلم معاها كان اسبوع وسبتها لأنها مكنتش بتاع مذاكره

وكانت اخر بنت عرفتها كانت رقيه لأنى حسيت انهامش زى ما كل الناس بيقولوا رغم اختلافى معاها فى كل حاجه الا اننا كنا فى بداية حياتنا وقدرنا نقرب مع بعض ونكمل لحد دلوقت وبقينا افضل صديقتين فى الدنياوهى أكتر انسانه فهمانى وانا بحبها اوى

ثالثا:فى الثانوى حصل حاجه غريبه جدا ان البنات فى فصلى كلهم سألونى أنا هأخد ايه فى تانيه ثانوى فقلتلهم كمياء فتلت تربع الفصل كتب كميا بناء على رأيى ورغم كده انا عملت قرعه وكل مره كانت تطلعى احياء فكتبت احياء واتفجأوا بيه الترم التانى فى قسم مختلف

رابعا:فى الجامعه كان أول ولد اكلمه كان اسمه محمد غربى وكنت مكسوفه وحلتى بالبلى لأنى عمرى ما كلمت ولاد قبل كده وكانت اللى معرفانى عليه مى صاحبتى عشان قرفت منى لانى بكتب حلو بس مكنتش عايزه حد يعرف لحد ما حطتنى فى يوم قدام الأمر الواقع

ربنا يمسيكى بالخير يامى

خامسا بقه واخيرا :انا وعلا مش ممكن نكون اصدقاء لأننا مختلفين فى حاجات كتيروللأسف مكتشفتش الحكايه دى غير قريب جدا عشان كده مينفعش نكمل لاختلاف مفاهيم كتير جدا عندنا ولأن انا مقدرش اكون علا ولا علا تقدر تكون مى لازم نتجنب صداقتنا ونحافظ على ذكرياتنا الحلوه دايما جوانا وبس. بس هى هتفضل صديقتى اللى كانت فى الكليه مهما حصل بنا.