1
رقيه:هو انتى فعلا صاحبتى بنات كتير وسبتيهم بعد اسبوع
انا: ايوه
رقيه: طيب هتسبينى امتى؟
................
انا: رقيه انا مسافره بكره السعوديه خلاص, ممكن تردى على وتبطلى عياط شويه, نفسى اسمع صوتك قبل مااسافر.طيب قوليلى انك سامحتينى .هم كانوا عايزين يبعدونا عن بعض وقدروا يارقيه وانا اسفه وغلطانه ممكن تسامحينى قبل ما اسافر
بعد ما جيت من السفر
سماح:عارفه يامى رقيه مرضيتش حد يقعد جنبها فى التخته الترم التانى كله وكانت قاعده لوحدها وياما انضربت وبرضه مخلتش اى حد يقعد مكانك وكانت بتقول انك راجعه وان مكانك جنبها وبس
انا:بس هى مجتش تزورنى فى البيت أقولك انا هأروحلها
انا اول ماشوفت رقيه:بحبك
.................................................
2
ماما:عارفه يامى من صغرك وانا فخوره بيكى.وكل الناس بتحسدنى عليكى
انا:انتى بتقولى كده عشان انا بعيط وحاسه باليأس وانى مليش لازمه فى الدنيا
ماما:فاكره لما كنتى فى تانيه ابتدائىوكنتى عايزه تلبسى خمار ابيض وجوانتى ابيض وكنتى عايزه تعيشى كده بالخمار وعندتى وجبتيه من ورايا ولبستيه من ورايا وانا روحت لمديرة المدرسه عشان اتخانق معاها لانك صغيره على التفكير ده
انا:ايوه
ماما: المديره قالتلى انك هتبقى حاجه كبيره اوى فى يوم من الايام
.............................................
3
انا:علا ممكن نكون انتيم انا محتاجه حد فى حياتى
علا:انا بقدس الصداقه وباعتبرها اقوى من الجواز
انا:بس انا بختلف معاكى الجواز عباده وهو الاقوى
علا:احنا ممكن نحقق احلامنا سوى
................................................
4
انا :يابنتى علا كانت انتيمتى انا اكتر واحده ممكن احكى عليها
نها:أمال ايه اللى حصل فين الصداقه دى
انا:نصيب بقه.انفصلنا ههههههههههههه
...............................................
5
ماجده:مى انتى لازم تفهمى ان قدرك الوحده وانك مينفعش تحتاجى لحد لانك اقوى من اى حد حتى من نفسك
وبلاش تتكلمى مع حد لانك لازم تحبى نفسك اكتر من كده واكتر من اى انسان
انا:بس انا بحب اخويا اكتر منها.وهأفضل كده
ماجده:عنديه وعنيكى بتلمع اوى
انا:هههههههههههه
طيب روحى قوضتك يالاقبل ما نقلبها دراما
...........................................
الفتره دى انا بأعمل حاجه جميله جدا فى حياتى ومستمتعه بيها جدا وكان نفسى احكى عنها بس كان لازم اذكرها فى البوست ده عشان التاريخ وعشان لما ارجعله افتكر اجمل مواقف فى حياتى حتى ولو ماتكلمتش عنها بالتفصيل
10 comments:
والله كنت داخله أقولك وحشتينى يابنت يامى بس لقيتنى بقرا كل البوستات اللى فاتت والبوست ده وجعنى وقلبتها دراما ربنا يسامحك بقى
المهم وحشتينى برضوا
غاده
انا نفسى اكلمك اوى
بس للاسف لغيت ايميلى
المهم انتى كمان وحشتينى اوى
وبعدين وجعك ليه بس؟
انا بأعمل لنفسى فيه دعوه للتفائل
بس ايه ده انتى بتقرى كل بوستاتى
زى ايمن بيحب بوست عندى برضه
انتى بقه ايه اكتر بوست بتحبيه ليه؟
بس انا زعلانه لان اغلب بوستاتى الجديده ينقصها الحس الادبى وده مزعلنى جدا
ومش عارفه اهتم يالقرايه الفتره دى الكونفرسيشن بوظتلى دماغى خالص
ادعيلى بقه ربنا يستر على قلبى
ربنا يستر
بالنيابة عن غادة
حلو الحوار
الجماعة بتوع المسرح بيقولو ان الحوار يحدد خصائص الشخصيات وخصائص الشخصيات تحدد الحدث وتطور الحدث يؤثر على الشخصيات
وهكذا
ودا كان واضح جدا في ثورتك على النمطية الحياتية من تانية ابتدائي إلى الأن رغم نمطية الموقف اللي مسك البوست كلو
صحيح ان البوست مش ادبي
لكنه كويس
الحديث « أتاني جبريل، فقال: يا محمد عش ما شئت فإنك ميت، وأحبب ما شئت، فإنك مفارقه، واعمل ما شئت فإنك مجزي به، واعلم أن شرف المؤمن قيامه بالليل، وعزه استغناؤه عن الناس »
صدق رسول الله صلي الله عليه وسلم
سلام
ازيك يا بياتريس
نجحتى و لا لا؟
ارسطو
شكرا على الرد والمعلومه
والله انا زعلانه جدا ياايمن لبعدى عن الاعمال الادبيه لفتره بس ان شاء الله مش هتدوم كتير لانى ناويه اخلص
التاج قريب ان شاء الله
ادعيلى بس ربنا يسهل
اونيموس
انت من الناس اللى عمرى ما هنساها يااحمد
المشكله اصلا انى مابنساش خالص
هههههههههههه
ربنا يوفقك ياربيع وتلاقى شغل
على فكره انا برد عليك من مقر الجامعه الامريكيه
سلام
فيلسوف
شكرا على السؤال
بس ليه بس التوقع السئ ده
ربنا يستر النتيجه كمان يومين ان شاء الله
دعواتك بقه
يابختك بكل الناس دول في حياتك
وبختهم باحساسك بيهم
بوركتم جميعا
شكرا ياعنتر
وبدعيلك ربنا يرزقك اصدقاء زيهم وتحس بيهم
وانت كمان بوركت ياعنتر
حسيت هنا أوي !
كم الشخصيات ما خلانيش أفهم كتير
بس ملا روحي بأحساس ما
أثر فيا لدرجة مش عارفة حلو ولا وجعني !
ليه معرفش..
مودتي..
هاى مى حلو الحوار بس فيه ناس كتير اوى بس عجبنى لأنى مبحبش كلام اللغة العربية الفصحى عالعموم ربنا يوفقك وعلى فكرة انا مدون جديد معاكو بإذن الله وعاوزكوا تشوفوا الفكمرة الجديدة اللى على مدونتى وانا مقصدش انى اعمل اعلانات وكدة بس عاوزكوا تشوفوا الفكرة
Post a Comment