دفا

بابا:لما كنتى صغيره يامى كنتى قد كفى بالظبط وكنت بحاول اخدك فى حضنى كده زى ما باعمل مع احمد اخوكى دلوقتى

..............................

انا:ماما احضنينى

ماما:ما انتى عارفه ان مرضى زى الدمل فى بطنى يامى, بحس انه هينفجر لو حد قرب منه

انا:طيب

كنت بقعد قدامها عالكرسى واحاول احضن نفسى بنفسى

ماما:طيب ياحبيبتى تعالي فى حضني بس متقربيش اوى من بطنى

................................................

انا لبابا: يابخته

اذا ما دعوت الصبر بعدك والبكا

اذا ما دعوت الصبر بعدك والبكا أجاب البكا طوعا ولم يجب الصبر

فإن تَـقَـطعى منك الرجاء سيبقى عليك الحزن مابقى الدهر

العباس بن الأحنف

اهداء

أبهى طلعتك من ضوء القمر على عينى

ياأحمد دعاءالليل فى قلبك يريح البال ويذيب الشجن

-ولون الصمت فى انتظارى كحبات لؤلؤ تناثرت فتلقاها الكلم الحلو-كلماتك الىّ

أنت أصغر من ملك وأعظم من بشرى حط قلبى على بياض السحب

يامبتدأ الرحلة من باب السعاده.ما أسعد رجائى على اعتاب حلمك بى

تعرف عنى مفتتح المعنى فى اعجاب اللغة بمرونة الحرف بين الألف والدال

وأعرف عنك طفلة رأيتها فى خجل البسمة ترسم لى شابا لايعرف كيف يوارى العشق عن حببية لم تأت بعد

ياشريك ضحكتى وونيس شكوتى وحافظ بيان المعنى عن ظهر قلبى

كيف ارتضى الرضا بحروف غير حروف اسمك

ياحامل الموت عنى فى كهف يبتعد اكثر كلما رغبت فيه

علمنى متى أجد عشقا حقيقيا يروى ظمأ البنت للاكتمال

او اترك لى سلما يرفعنى الى كهفى

كم أن الشوق الى ذكراك أهون من سقوط الورده فى بئر يهجره الماء

فالوعد اليك كبقائى حيه

فلن انساك

من احد تعليقاتى فى عالم التدوين

وحدى ووحدك كالتئام جناح طائر

وحدى ابكى

ووحدك يتغزل دمعا من عينى فيموت صائم

وحدى يشتاق فيُنسَى

ووحدك يُنسَى فيشتاق

وكلانا يعشق

من مذكراتى

اسمك مى؟:

انا:عرفت منين؟

مكتوب على الاشتراك وانتى بتديه للكمسرى:

انا: أه

انتى فى كلية صيدله:

انا:عرفت منين المرادى كمان ؟استنى من كتاب الاورجنج اكيد

فعلا وانتى فى اولى أنا كمان فى اولى:

انا:كويس يعنى انت اصغر منى بسنه اصلى اولى بعد اعدادى

لا ممكن اكون ادك اصلى داخل المدرسه كبار سن:

.................................................

بعد ثلاث شهور

مى(حد بينادى علىّ بعد مانزلت من القطر وانا على المحطه:

انا:محمد صح؟انت هنا بتعمل ايه انت مكنتش فى القطر

محمد:انا مش مصدق انى قابلتك اخيرا انا ركبت كل مواعيد القطرات المكيفه عشان اشوفك لحد ما اشتراكى خلص

انا:معلش ممكن اطلع على الحجر ده اصلى مبحبش البس كعب

محمد:انا عارف انى طويل اوى

انا:لا ابدا مقصدش .بس كان ممكن تركب مع اصحابك المميز مش الاشاش ده يوصلك كفر الدوار متأخر جدا

محمد:انا اول ما عرفت ان القطر ده بيخزن فى بركة السبع وانا بركبه وانزل ادور عليكى

واو -كان اصعب واكتر موقف محرج فى حياتى مش لانه بيحاول يوضحلى مشاعره بس لانه اصغر منى ولان مينفعش اقف على -

المحطه معاه

كان اسهل حل ادامى الهروب

انا:متهيقلى فيه حد بينادى عليك.انا سعيده انى شفتك النهارده

انا: مع السلامه

محمد:مع السلامه

.................................................

شفت محمد بعدها مره واحده فى امتحانات اخر السنه وكانت صدفه غريبه جدا لانه ساب اصحابه عشان يركب قطر غير اللى انا متعوده اركب فيه بس الغريب اننا اتقابلنا تانى وكنت انا كمان هربانه من صحابى .بس مشفتوش بعدها تانى ومحاولتش افكر اصلا.بس كل ما اركب القطر لازم افتكره

اصله كان طويل وعيونه ملونه.يالا ايام

كانتْ ظَلومُ اذا عاتبتُها اعتذَرَتْ فكنت احبسُ دمعى حينَ تعتذرُ

فاليومَ قدْ اّيستنى أنْ اعاتبها فاستقطرَ اليأسُ دمعى فهو ينحدرُ

أبو الفضل بن الأحنف

رسالة الى أمى

الذكرى أندى على القلب من طى الحنين بالرؤيا ياأمى

والاشتياق وارد

ولكنى لم أعد طفلتكى .لم أعد الونس الساكن ثرى ذكراك

يقتلنى اليكى ماحملته منكى .تقتلنى البنت والرقة المغزلة فى ضفيراتى

الأن ياأمى سأقص شعرى وأكف عن ملئ مكحلتى ولن أغزل الورد فى العيد

لن البس عباءتك القديمه كى استحضرك بالغيب لأبكيك

علمت ان بالجنة صغارا غيرى اعتادور الركوع خلفك.فهل يشدون كمك ياأمى كى تخبريهم التحيات؟

وهل يركضون حولك كل الصباح؟

ومن ابتدأمنكم ياأمى بالسلام؟

وهل تأخذيها ياأمى بين يديكى وتقبليها؟

اتجلسيها على قدميك ياأمى أم ظلت قدماك تصرخ فلا تتحمليها

علمت أن صمتك لم يعد ألما وعينيك لم تعد تدمع.وقلبك ما عاد يعشقنى أو يذكرنى

فكيف لى ياأمى أن أحيا بنتا ولم أعد ابنتكى الوحيده؟